நான்

நான் யார் என்பதிலோ, என்னைப்பற்றி குறிப்பிட என்ன உள என்பதிலோ முதன்மைத்தனமுள்ள எதுவும் இருப்பதாய் நான் கருதவில்லை. கடையநல்லூரைச் சேர்ந்தவன் என்பது மட்டுமே போதுமானது.

கடையநல்லூரின் பெயரில் சில வ‌லைத்தளங்கள் இயங்குகின்றன. அவைகள் சிறப்பாய் இயங்குவதாகவோ, போதிய வீரியத்துடன் செயல்படுவதாகவோ சொல்வதற்கில்லை. அதுவே “நல்லூர் முழக்கம்” எனும் இத்தளத்தை தொடங்கும் எண்ணத்தை என்னுள் விதைத்தது.

தனி மனிதனைவிட சமூகம் முதன்மையானது எனும் வகையில் சமூக நோக்கில் கடையநல்லூர் குறித்தான, அதன் செயல்பாடுகள் குறித்தான‌ என்னுடைய மதிப்பீடுகளினூடாகவே இத்தளத்தின் செயல்பாடுகள் இருக்கும். சமூகம் எனும் கூட்டுத்துவத்தை மீறிய தனிமனித உரிமைகள், அதையே சமூக ஒழுங்காய் முன்னிருத்தும் தன்மைகள் மலினப்பட்டிருக்கும் சூழலில் ஒவ்வொருவருக்கும் இது கடமையாய் அமையவேண்டுமென்பதே என் அவா. அதை நோக்கி இத்தளம் சில அடிகளேனும் எடுத்துவைக்கும்.

கடையநல்லூர் நண்பர்களே,

இது உங்கள் தளம். இத்தளத்தில் நீங்கள் எது குறித்தும் பேசலாம். விவாதிக்கலாம். சிறந்த விவாதமே மீளாய்வுக்கான முதற்படி. நான் காத்திருக்கிறேன். நீங்கள்….?

தோழமையுடன்
செழிபா